Saturday, July 30, 2016

മുറിവടയാളങ്ങള്‍

അവരിരുവരും
മുറിവടയാളങ്ങളുടെ
ഭൂപടം കാണിച്ചു തന്നു.

കൈകളില്‍
ആയുധങ്ങള്‍
പെരുമാറിയതിന്‍റെ
മുറിവ് വേട്ടക്കാരന്‍റെ തെളിവ്.

മുതുകില്‍
വാള്‍ത്തല പാഞ്ഞതിന്‍റെ മുറിവ്
ഇരയുടെ വിലാപം.

മുറിവുകളില്‍
ചോര കിനിയുന്നുണ്ട്.

മുറിവ്
മധുരത്തിന്‍റെ ഉപമയെന്ന്
വേട്ടക്കാരന്‍.
മധുരം നുകരുന്ന പൂമ്പാറ്റയോളം
മുറിവിനെ അയാള്‍ നുണയുന്നു.

മുറിവ്
മുതുകത്ത് കെട്ടിവെച്ച
വീടിന്‍റെ ഉപമയെന്ന് ,ഇര.
പുറന്തോട്  വലിച്ചിഴച്ചു
കൊണ്ടു പോകുന്ന
ഒച്ചിന്‍റെ പതര്‍ച്ചയോടെ
മുറിവയാളെ  പിന്തുടരുന്നു.


No comments:

Post a Comment