Monday, December 14, 2015

ഉല്പത്തി














ഏതേതു സ്വപ്നങ്ങളെ
ഇഴപിരിച്ചെടുത്താലാണ്
നീയും ഞാനും വേര്‍പിരിയുക .

എനിക്കും നിനക്കുമിടയില്‍
ഒരു വിയര്‍പ്പു കണത്തിനു മാത്രം 
ഊര്‍ന്നിറങ്ങാനുള്ള ഇടം.

ചിരിച്ചു പൂത്തുലഞ്ഞല്ലാതെ
എങ്ങനെയാണ്  
ഇനി മടങ്ങി വരാത്തൊരീ നിമിഷത്തെ
യാത്രയാക്കുക.

വിയര്‍പ്പുകണമൊരു സമുദ്രം.
നാം അകലങ്ങളിലേക്ക്
പിളര്‍ന്ന രണ്ടു കരകള്‍.

നീയാണോ,
ഞാനാണോ 
ആദ്യം തണുത്തു തുടങ്ങിയത് .



No comments:

Post a Comment