Thursday, October 29, 2015

ഒച്ച
















ഒരു രാവിന്റെ മാറിലിരുന്ന്
ചരിത്രത്തെ  അകം പുറം മറിക്കുമ്പോള്‍
കടലാസൊച്ചകള്‍ പോലും
കേള്‍ക്കില്ലെന്ന്  അവര്‍ വ്യാമോഹിച്ചിരിക്കാം.

ഒച്ചയെ പ്രതിരോധിക്കാന്‍
എല്ലാറ്റിനെയും നിശബ്ദരാക്കുന്ന
കോമാളിക്കോലങ്ങള്‍ !

ചുണ്ടുകള്‍ നഷ്ടപ്പെട്ട തെരുവുകള്‍,
തൊലി പൊളിഞ്ഞു രോമം കൊഴിഞ്ഞ ഇടവഴി, 
കണ്‍പോളകള്‍ വീര്‍ത്ത ഒറ്റയടിപ്പാത,
തുന്നിചേര്‍ക്കയാണവര്‍ ;പുതിയ വഴികള്‍.

പതുങ്ങിയ കാല്‍വെപ്പുകളെ,
ചില തുടച്ചുമാറ്റലുകളെ,
വെറുപ്പിന്റെ ഞരമ്പൊലികളെ ,
പുതിയ ഒച്ചകളായി കേള്‍ക്കുന്നു, ഞങ്ങള്‍.

No comments:

Post a Comment