Monday, January 12, 2015

താക്കോല്‍














വീടിന്റെ ,
അലമാറയുടെ , 
വാഹനത്തിന്റെ 
താക്കോലുകള്‍ 
മറന്നിട്ടില്ല . 

പക്ഷെ 
മറന്നത്  
ഓര്‍മയുടെ താക്കോലാണ് . 

മൈതാനത്ത് 
ഉച്ചവെയിലിന്റെ വെറുപ്പില്‍ 
അയാള്‍ ചോദിച്ചു :

"ഹിന്ദുവാണെന്നത്  ഓര്‍മയില്ലേ ?"

ഓര്‍മയുടെ താക്കോല്‍ 
 തിരഞ്ഞു നോക്കി 
കണ്ടില്ല !

"നമ്മളല്ലേ ആദ്യം വിമാനം പറത്തിയത്  ?
പ്ലാസ്റ്റിക് സര്‍ജറി കണ്ടെത്തിയത് ?
ജീന്‍ , ജീനോം, ഗോളാന്തര യാത്ര 
കമ്പി,കുപ്പിച്ചില്ല് ..........."

"ഓര്‍മ വേണം
ജന്മാന്തരങ്ങളുടെ ഉയിരുവേണം 
കളഞ്ഞു പോകരുതിനിമേല്‍;
ഇതാണോർമയുടെ 
പുത്തൻ താക്കോലുകൾ  "

തിരക്കിയാണെങ്കിലും
കൈപ്പറ്റണം
തലയോട്ടിയോടൊട്ടുന്ന 
മേല്‍ത്തരം മുഖംമൂടി


'വീട്ടിലേക്കു തിരിച്ചു പോകവേ'
അഴിച്ചു കളയണം മൃദുവായ 
കൈപ്പത്തികൾ , കാല്പാദങ്ങൾ
കണ്ണീരു പൊടിയുന്ന ധമനികൾ 










2 comments:

  1. വല്ലാത്തൊരു കാലം.
    ഓര്‍മ്മകള്‍ തെളിയുന്ന കാലം!
    കലികാലം

    ReplyDelete
  2. 'വീട്ടിലേക്കു തിരിച്ചു പോകവേ'
    അഴിച്ചു കളയണം മൃദുവായ
    കൈപ്പത്തികൾ , കാല്പാദങ്ങൾ
    കണ്ണീരു പൊടിയുന്ന ധമനികൾ

    ReplyDelete