Thursday, January 1, 2015

ജി.പി.എസ്



പറഞ്ഞു കേട്ട വഴി
നരച്ച ചെമ്മണ്‍പാതയാണ് .
ഇപ്പോള്‍ ഇതാകെ
പൂത്തുലഞ്ഞു നില്‍ക്കുന്ന
വസന്തത്തിന്റെ കുഴല്‍വിളി;
മഞ്ഞുതുള്ളികള്‍ വിരിയുന്ന
വഴിയോരം .

പറഞ്ഞതു തെറ്റിയോ ?
കേട്ടതു തെറ്റിയോ ?
വഴി തെറ്റിയോ !

മനസ്സില്‍ തോന്നിയ
വഴിയിലൂടെ മുന്നോട്ടു പോകെ,
സഹയാത്രികര്‍ക്കാകെ നീരസം.
ആകാശ കാഴ്ച നമുക്കില്ലല്ലോ
അപ്പോഴേ 'ജി.പി.എസ് 'നോട്  ചോദിച്ചാല്‍ പോരേ ?

അപരിചിതരോട്  ചോദിക്കണ്ട
വഴി തെറ്റാതിരിക്കാന്‍
യന്ത്രങ്ങള്‍ സഹായിക്കും.

അപ്പോള്‍
അങ്ങനെയാണ്
മനുഷ്യരേക്കാള്‍ കൂടുതല്‍
യന്ത്രങ്ങളില്‍ വിശ്വാസം വരുക.

ഇനി ഇതാണാവശ്യം

ഇരുട്ടിനെ അകത്തേക്കും
വെളിച്ചത്തെ പുറത്തേക്കും
കടത്തിവിടുന്ന ജനാല .














2 comments:

  1. ജീപ്പീയെസ്സിനു തെറ്റില്ല

    ReplyDelete