Thursday, December 4, 2014

നഗരം












നഗരം പുതിയ ആശുപത്രികളെ തന്നു.

പുതിയ നടപ്പാതകള്‍ ,
പാര്‍ക്കുകള്‍ ,മാളുകള്‍
തീന്‍പണ്ടങ്ങള്‍, കറങ്ങുന്ന ഗോവണികള്‍

ഞങ്ങള്‍ പുതിയ രോഗങ്ങളുമായി
ആശുപത്രികളെ വരവേറ്റു .

നഗരം പുതിയ ജോലികള്‍ തന്നു .

പൊന്നുഅപ്പ ലിഫ്റ്റ്‌ ഓപ്പറേറ്ററായി ,
ചെറുത്‌  തോട്ടം നനച്ചു
ഭാമേടത്തി മൂത്രപ്പുര കഴുകുന്നു
ചന്ദ്രു ബസ്സുകള്‍ക്ക് കീലിടുന്നു
തമ്പാന്‍ ഗുണ്ടാപ്പിരിവ് , രാജന്‍ വേസ്റ്റ് കോരി
മുരുകന്‍ രാത്രി കാവല്‍ക്കാരന്‍
ലത/തല  എന്നിങ്ങനെ.

നഗരത്തില്‍ ഉണ്ടെന്നു പറയുന്ന
പുതിയ ജോലികള്‍ തിരഞ്ഞ്‌
ജനറല്‍ കമ്പാര്‍ട്ട്മെന്റുകളില്‍
തിങ്ങിഞെരുങ്ങി
കൂറകള്‍, എലികള്‍, പാറ്റകള്‍
ചത്ത കോഴിയിറച്ചികള്‍ ,
ഗുഹ്യരോഗങ്ങള്‍ ,TNT തുടങ്ങിയവ
വന്നിറങ്ങി.


ശരീരമാണോ പഴന്തുണിയാണോ
എന്നുറപ്പില്ലാത്ത ചില അതിരുകള്‍
നഗരത്തിന്റെ വലിപ്പം കൂട്ടാന്‍
അകലങ്ങളിലേക്ക്  നടന്നു തുടങ്ങി .








2 comments:

  1. പുതിയ ജോലികള്‍...
    നന്നായി.

    ReplyDelete
  2. അങ്ങനെ നഗരം സാഗരമായി.

    ReplyDelete